गण्डकी प्रदेशअन्तर्गत पहाडी जिल्ला लमजुङस्थित दोर्दी गाउँपालिकामा विदेशी तथा आन्तरिक पर्यटक आउन थालेका छन् । एतिहासिक, साँस्कृतिक, एवं पर्यटकीय स्थलहरु हेर्न पर्यटक आउन थालेका हुन् ।
दोदीका स्थानीय एवं गाउँपालिका अध्यक्ष युवराज अधिकारीको स्वकिय सचिव हरि घिमिरेले भन्नुभयो, पछिल्लो समयमा यहाँ पर्यटकहरुको आगमन हुन थालेको छ । केहीदिन अघि मात्र विदेशी पर्यटकहरु ८/१० जनाको टोलि चैतन्यदय सत्य मावी,शिख्र-डाँडा गाउँ,बासबोट जुन डांडा दाम्राङ लिपे, लिपे बास,नौडाज्य,इलमपोखरी,जोर्ने हुँदै ओखरी श्रीमन्ज्याङको पदमार्गमा पर्यटक आएको उहाँको भनाई छ । स्थानीयका अनुसार विगतमा समेत यहाँ विदेशी पर्यटकहरु अन्नपूणर् पदमार्गमा झै पर्यटक आउने गरेको थियो । यस दोर्दी गाउँपालिकामा पर्यटकीय प्रचूर सम्भावना रहेको र पर्यटन प्रवद्र्धन गर्न र पर्यटक भौतिक पूर्वाधार निर्माण गर्न गाउँपालिका लागि परेको दोर्दी गाउँपालिका अध्यक्ष युवराज अधिकारीले बताउनुभयो । 
उहाँले भन्नुभयो, जुन डांडा दाम्राङ लिपे लगायतको पदमार्गको पूर्वाधार विकास गर्दै पर्यटकलाई आकर्षित गर्न सकेमा स्थानीयको आयस्तरमा वृद्धि हुनेछ । संयौ स्थानीयले रोजगार समेत प्राप्त गर्ने भएकाले त्यसतर्फ आफ्नो ध्यान केन्द्रित भईरहेको उहाँको भनाई छ । यस गाउँपालिकाअन्तर्गत इलमपोखरी-लिपे- धौथली-रप्प्रो-दाम्राङ-नौथर शेरा चक्रिय पदमार्ग २३ किलोमिटर रहेको छ । १५ किलोमिटर भन्दा बढी पदमार्ग निर्माण समेत निर्माण भइसेको छ । गण्डकी प्रदेश सरकारले यस पदमार्ग निर्माणका लागि हालसम्म करिब ९० लाख बजेट खर्च गरिसकेको छ । यस पालिकाभित्र दर्जनौ पर्यटकीय एवं एतिहासिक स्थल रहेपनि प्रचार प्रसार अभावमा ओझेल पर्दै आएको छ ।
