ग्राहकहरुको क्षमता अभिवृद्धि कार्यक्रम अन्तर्गत डिप्रोक्स लघुवित्त वित्तीय संस्थाले किसानहरुलाई बाख्रापालन तालिम दिएको छ । हिजो असार ७ गते मंगलबार समुहमा आवद्ध सदस्यहरुको क्षमता अभिवृद्धि गरी स्वरोजगार बनाउने उद्देश्यका साथ बाख्रापालन व्यवसाय गर्दै आएका र गर्न चाहने आफ्ना समुहकका सदस्यहरुलाई एक दिने तालिम दिएको डिप्रोक्स लघुवित्त वित्तीय संस्था ठाँटिपोखरीका शाखा प्रवन्धक सुमित्रा गुरुङले बताउनुभयो ।
परम्परागत रुपमा बाख्रा पाल्दै आएका किसानहरुको क्षमता बढाएर व्यवसायिक बनाउँदै आत्मनिर्भर बनाउन संस्थाले विभिन्न किसिमका तालिम दिँदै आएको डिप्रोक्स लघुवित्त वित्तीय संस्थाका गण्डकी प्रदेश प्रमुख जमिरी राय यादव ले बताउनुभयो ।
तालिमको उदघाटन पालुङटार न पा ५ का अध्यक्ष दिपक पान्डेले गर्नु हुदै भने संस्थाका यस्ता कार्यक्रमले यहाँका किसानको जिवन माथी उकास्न मद्दत पुन्ने बताउनु भयो।
ठाटिपोखरी को स्काइ रेस्टुरेन्ट एन्ड पाटिप्यालेस मा सम्पन्न तालिममा ३० जना किसानको सहभागिता रहेको थियो । तालिममा व्यावसायिक बाख्रा पालनको परिचय, महत्व, बजार, रोग नियन्त्रण तथा प्रजनन् व्यवस्थापन, हेरचाह, खोर व्यवस्थापन लगायतका विषयहरुमा प्रशिक्षण दिएको प्रशिक्षक सनद देवकोटा, सम्झना नेउपाने,प्रमिला घिर्सिङले जानकारी दिनुभयो ।
संस्थाले विपन्न महिलाहरुलाई समुहमा आवद्ध गराई विना धितो लगानी गर्नुका साथै सीपमुलक तालिम, उद्यमशिलता विकास तालिम, सचेतनामुलक कार्यक्रम सञ्चालन गर्दै आर्थिक, सामाजिक, वौद्धिक विकास गर्दै आएको छ ।
लघुवित्त वित्तीय संस्थाका १४० समुहमा १९००सदस्य आबद्ध रहेका छन् । १२ वर्ष अघि ठाटीपोखरीमा शाखा विस्तार गरेको यो संस्थाको ७ करोड वचत, १७ करोड ऋण लगानी रहेको शाखा प्रवन्धक गुरुङ ले बताउनुभयाे । यस शाखाबाट ११००जनाले विभिन्न व्यवसायको लागि ऋण लिएका छन् ।
