राइनास नगरपालिकामा ५ बर्षे सफल कार्यकाल पूरा गरेर पुनः नगर प्रमुख हुनको लागि चुनावमा होमिनुभएका सिंहबहादुर थापा सरल र मिजासिला हुनुहुन्छ ।
नगरप्रमुख हुँदा उहाँको कार्यक्षमता, कार्यकुशलता, नागरिकको चाहना र माग अनुसार उहाँ दोस्रो कार्यकालका लागि राइनास नगरपालिकाको प्रमुखका लागि चुनावमा होमिनुभएको छ ।
२०७४ को स्थानीय तह चुनावमा राइनास नगरपालिकाको १० वटा वडामा पार्टीका उम्मेदवार पराजित भइरहँदा उहाँले जित हासिल गर्नुभएको थियो । त्यसपछि ‘सिंहबहादुर थापाको भाग्य बलियो रहेछ’ भनी जनतामाझ चर्चा चलेको थियो । राइनासको सर्वांगीण विकासको लागि जग बासालिसकेको र त्यो जगमा विकासलाई पूरर्णता दिन पुनः ५ बर्र्षे कार्यकालका लागि उम्मेदवारी दिएको उहाँले बताउनुभएको छ ।
राइनास नगरभित्र ‘एक्ला बृहस्पति’ को रुपमा रहनुभएका सिंहबहादुर थापाको जन्म वि.सं. २०३५ चैत २५ गते राइनास नगरपालिका ९, सात्तलेमा भएको हो । उहाँ बुवा दलबहादुर थापा र आमा चिजामाया थापाको जेठो छोरा हुनुहुन्छ । गाउँ नजिकै कुँडुलेस्थित जनता माविमा पढ्दा पढ्दै उहाँले पढाई छोड्नु प¥यो । पढाईलाई निरन्तरता दिन उहाँले एसएलसीको ‘प्राइवेट’ फर्म भर्नुभयो । २०५१ तिर अखिलको राजनीतिमा होमिनुभएका उहाँ आरआर क्याम्पस काठमाडौं गएर पढ्नुभयो । राजनीतिमार्फत गाउँठाउँको मुहार फेर्ने धोको बोकेर उहाँ प्रमाणपत्र पास गर्नेवित्तिकै २०५३÷५४ तिरबाट गाउँ आउनेजाने र राजनीति गर्न थाल्नुभयो ।
पढ्दा पढ्दै २०४७ मा अनेरास्ववियु जिल्ला कमिटीको सदस्य भएर राजनीतिक यात्रा सुरु गर्नुभएका उहाँ काठमाडौं जाने आउने भइरहँदा नै २०५३ मा नेकपा एमाले राइनास मोहोरियाकोट गाउँ कमिटी सचिवमा चयन हुनुभयो । काठमाडौं बसेर पढ्दा उहाँलाई गाउँमै बसेर राजनीति गर्ने इच्छा जागेपछि २०५६ तिर स्थायी रुपमै गाउँ फर्किनुभयो । त्यसपछि उहाँ त्यही बर्ष तत्कालीन प्रजातान्त्रिक युवा संघ नेपालको जिल्ला उपाध्यक्षमा चयन हुनुभयो ।
२०५७ मा नेकपा एमाले इलाका कमिटी सचिव हुँदै २०५८ मा पार्टीको जिल्ला कमिटी सदस्य बन्नुभयो । २०६३ मा युवा संघ नेपालको जिल्ला अध्यक्षमा निर्वाचित उहाँ २०६६ मा युवा संघ नेपालको केन्द्रीय कमिटी सदस्यमा निर्वाचित हुनुभयो । संगै नेकपा एमाले जिल्ला कमिटीको सचिवालय सदस्यमा चयन हुनुभयो । २०६९ देखि २०७४ सम्म नेकपा एमाले जिल्ला कमिटीको सचिवालय सदस्य तथा कार्यालय सचिव भएर काम गर्नुभएका उहाँ २०७४ को स्थानीय तह निर्वाचनमा राइनास नगरपालिकाको नगरप्रमुखमा निर्वाचित हुनुभएको हो । राजनीतिमा ३ दशक बढी समय विताउनुभएका सिंहबहादुर थापा हाल नेकपा एमाले गण्डकी प्रदेश कमिटीको सचिवालय सदस्य हुनुहुन्छ ।
राजनीतिसंगै समाजसेवालाई अगाडि बढाउनुभएका उहाँले गाउँमै बसेर नागरिकको पीरमर्का बुझ्ने, सहयोग गर्ने, सहयोग गर्न नसकेका कामबारेमा सम्बन्धित निकायमा बुझेर सहजीकरण गर्ने काम गर्नुभयो । उहाँ २०६८ देखि २०७८ सम्म मोहोरियाकोटको भैरव माध्यमिक विद्यालयका अध्यक्ष हुनुभयो । उहाँ अध्यक्ष हुँदा चाइनिज एडको विशाल र आकर्षक तथा नेपालकै नमुना विद्यालय भवन निर्माण गर्न सफल हुनुभयो । उहाँले राष्ट्रिय विभूति बीर भक्ति थापाको स्मृतिमा भक्ति थापा पार्क निर्माण गर्नुभएको छ ।
राजनीति र समाजसेवामा अब्बल सिंहबहादुर थापा प्रमुखमा निर्वाचित भएपछि लमजुङमा सवैभन्दा धेरै राइनास नगरपालिकामा सडक कालोपत्रे भएको छ । सडक, खानेपानी, विजुली, सिँचाई, बाटोघाटो निर्माण, सामुदायिक भवन, दलित, महिला, अपांगता तथा पिछडिएका क्षेत्रमा उहाँले अतुलनीय काम गर्नुभएको छ । मध्यपहाडि (पुष्पलाल) लोकमार्गले समेत जोडिएको राइनास नगरपालिकाको सर्वांगीण विकासमा ५ बर्षको अवधिमा सिंहबहादुर थापाले नगरपालिका प्रमुखको तर्फबाट गरेको विकास पूर्ण छैन । उहाँले विकासमा जग बसालेको र त्यही बसालेको जगमा टेकेर विकास निर्माणलाई पूर्णता दिनेकार्यका लागि आगामी ५ बर्ष पुनः प्रमुख पदमा जिताउन नगरबासीमा अनुरोध गर्नुभएको छ ।