काठमाडौँ, २३ बैशाख । राष्ट्रिय प्रजातन्त्र पार्टी टोखा नगपालिका वडा नं ६ को वडा सदस्यमा सुरेश श्रेष्ठले उम्मेद्धारी दिनुभएको छ ।
बैशाख ३० गते हुन लागेको स्थानीय तहको निर्वाचनका लागि उहाँले वडा सदस्यमा उम्मेद्धारी दिनुभएको हो ।
विस २०४८ सालमा टोखामा जन्मनुभएका श्रेष्ठले टोखाको विकासका लागि थुप्रै काम गर्नुभएको छ । उहाँले खानेपानी, मोटरबाटोलगायतका उपभोक्ता समितिमा बसेर नेतृत्वदायी भूमिका निर्वाह गर्नुभएको छ ।
उहाँ टोखाको स्थायी बासिन्दा हुनुहुन्छ । उहाँले आफु वडा सदस्यमा निर्वाचित भए टोखा नगरपालिका–६ लाई टोखाभित्रकै समृद्ध वडा बनाउने प्रतिवद्धता समेत व्यक्त गर्नुभएको छ ।
