नेकपा एमाले उपमहासचिव पृथ्वीसुब्बा गुरुङले देशको लागि एमालेले आसन्न निर्वाचन जसरीनी जित्नुपर्ने भएकाले हार्ने छुट नभएको बताउनु भएको छ । एमाले राइनास नगरकमिटिद्धारा आज आयोजित आसन्न चुनाव लक्षित आमसभालाई सम्बोधन गर्नुहुँदै उहाँले यस्तो बताउनुभएको हो ।
कम्युनिष्टलाई कम्युनिष्टले नै हराउने भनेको बंश नास गर्ने कुरा भएकाले कंसको रुपमा आएका माधव नेपालहरुलाई आगामी निर्वाचन पछि सियोनी नभेट्ने गरेर हराउदै सिट्ट्ठो बालेर खोज्नुपर्ने अवस्थामा पु¥याउनुपर्ने उहाँको भनाई छ । उहाँले यस्ता विश्वास घाती, आत्मघातीहरुलाई यो मुलुकमा रहेसम्म र कांग्रेस जस्ता जनताको पक्षा, राष्ट्रको पक्षमा एउटा सिन्को पनि नभाच्ने पार्टी सिंहसातमा बसेर जुंगाको ताउ लगाएर खाने काम प्रचण्ड माधवले गरेको आरोप लगाउनुभयो । एमालेका लागि त्यसकारण यो चुनाव ठूलो चुनौती भएपनि चुनाव जितेर पहिलो बन्ने उहाँले दाबी गर्नुभयो । नेपालमा धेरै दल भएपनि दुई धारको चुनाव हुने एउटा एमाले र एमालेविरुद्धको सत्ता गठबन्धन रहेको छ ।
नेता गुरुङले भन्नुभयो, सत्ता गठबन्धनको पक्षमा लागेकामध्य चार जना नेता बाबुराम, प्रचण्ड, माधव, मोहनविक्रमसिंह कम्युनिष्ट पार्टीकै रहेको र ती नेताहरुले कांग्रेसको तरुल चातेर हिड्ने दलालि गरेर हिडेका छन्, त्यो नेताको अस्तित्य छैन । दुई धार मात्र हुने र मुलुकमा अबको चुनावमा कसैले स्वकारेनी नस्वाकारेनी एउटा हामी हो, अर्को राप्रपा हुन्छ की कांग्रेस हुन्छ त्यो थाहा छैन । कम्युनिष्टको शिर्ष नेता एमाले हो, तसर्थ सबै जनता र कम्युनिष्टहरुले केही नबोली सूर्य चिन्ह्मा भोट दिएर एमालेलाई जिताउनुको अर्को विकल्प नभएको भन्दै एमाले नेता गुरुङले मतदातासामु आफ्नो पार्टीलाई मत दिएर विजयी गराउनका लागि विनम्र आग्रह गर्नुभयो ।
उहाँले भन्नुभयो, पहिला चुनाव जित्यौ, त्यसपछि चुनाव जितेपछि प्रदेश र संघ जित्ने आधार हुन्छ, सबै तह जितेपछि एमालेले लिएको विकासको लक्ष्य पूरा गरेरै छाड्नेछौँ । मुलुकमा रहेका गरिबीलाई हटाउने, स्वदेशमै सबै बेरोजगार युवाहरुलाई रोजगार सिर्जना गर्ने, २५ वर्षभित्रमा मुलुललाई संसारको मंध्यम देशको दाजोमा पु¥याउने लक्ष्य रहेको र ४ वर्ष सकिएको र अब बाँकी रहेको २१ वर्षमा उक्त लक्ष्य भेटाउने उहाँको भनाई छ । विभिन्न ठूला ठूला विकास गर्ने देखि भारतले मिचेको कालापानी, लिपुलेक, लिपुधुरा समेटेर नक्सा निकाल्ने, भारतले गरेको नाकाबन्दीको समेत कसैसँग नझुट्ने काम एमालेको सरकार हुँदा केही ओलीले गरेको उहाँको भनाई छ । पार्टीले चुनाव जितेमा ती बाँकी रहेको कामलाई पूरा गर्दै देश विकासतर्फ अघि बढ्नेछ । सपना देख्नुपर्ने रहेछ विकास सम्भव रहेकाले आज जुन केपी ओलीले देखाएको सपनामा जनताले साथ दिएकाले एमालेले जितको र यतिबेला एमाले विरुद्धमै अरु लागेर देश संकटतर्फ धकेल्न खोजेको एमाले नेता गुरुङले भन्नुभयो ।
राइनास नगरपालिकाको प्रमुख पदका उम्मेदावर सिंहबहादुर थापाले आउँदो कार्यकालका खाली निर्माण गरेका खाकाहरु प्रस्तुत गर्नुभयो । सम्रग विकासको लागि पूरा गर्न बाँकी रहेका काम र नयाँ काम गर्दै अबको कार्यकालमा समृद्धि पालिका बनारै छाड्ने उहाँले प्रतिवद्धता ब्यक्त गर्नुभयो । उहाँले आफू र आफ्नो टिमले पालिकाको विकासका लागि योग्य भएकाले सबैले मत दिएर जिताउनका लागि आग्रह समेत गर्नुभएको छ ।
उक्त कार्यक्रममा एमाले केन्द्रिय सदस्य मायानाथ अधिकारी, टुका हमाल, प्रदेश कमिटि सचिव धनञ्जव दवाडी, नगर कमिटि अध्यक्ष पूर्णबहादुर गुरुङ लगायतको उपस्थिति रहेको थियो ।
