यहाँका किसानहरुलाई तरकारीमा आत्मनिर्भर बनाउनका कृषकको मागमा आधारित उन्नत तरकारी खेति प्रविधि विषयक तालिम लागि तरकारी सम्बन्धी तालिम प्रदान गरिएको छ । बेसीशहरमा प्रधानमन्त्री कृषि आधुनिकरण परियोजना, परियोजना कार्यान्वयन इकाई लमजुङको आयोजनामा तीन दिनसम्म २१ जना किसानलाई उक्त तालिम प्रदान गरिएको हो ।
तरकारी जोड क्षेत्र रहेको बेसीसह नगरपालिका, राइनास नगरपालिका, मस्र्याङ्दी गाउँपालिका लगायतका क्षेत्रका २१ जना किसानलाई सहभागिता गराएर तीन दिनसम्म सो तालिम प्रदान गरिएको उक्त कार्यालयका कृषि अधिकृत हरिबहादुर मिजारले बताउनुभयो । उहाँका अनुसार तालिममा सहभागीहरुलाई सो लमजुङ, मनाङ इकाईका प्रमुख अजय अधिकारी, कृषि ज्ञान केन्द्रका प्रमुख सुदिप खतिवडा, कृषि अर्थविज्ञ मदन रेग्मी, सो ईकाइका कृषि अधिकृत मिजार, कृषि सव इन्जिनियर अनुज धिताल लगायत, कृषि ज्ञान केन्द्रका बालि संरक्षण अधिृत विजयराज पौडेल लगायतले सो सम्बन्धि विभिन्न तालिम प्रदान गर्नुभएको थियो ।
उक्त तालिमको अवसरमा बेसीसहर नगरपालिका वडा नं. १० का सफल व्यवसायी इन्द्र घलेले आफ्नो अनुभव प्रस्तुत गर्नुभएको थियो । त्यस्तै, समापन कार्यक्रममा प्रमुख अतिथि रहनु भएका जिल्ला समन्वय समिति लमजुङका प्रमुख पूर्णबहादुर गुरुङले सहभागिहरुलाई आ–आफ्नो ठाउँमा गएर सफल व्यवसायि बन्न आग्रह गर्नुभयो । साथै गाउँगाउँमा उत्पादित तरकारीहरु लमजुङका घरवासमा पु¥याएर पर्यटकलाई खुवाउन सकिएमा हाम्रो परिचान समेत बन्ने उहाँको भनाई छ ।
