पालुङटार नगरपालिका स्वास्थ्य शाखाको आयोजनामा मिति चैत्र १२ गते सोमबार विश्व क्षयरोग दिवस कार्यक्रम सम्पन्न भएको हो । हामी क्षयरोग अन्त्य गर्छौ । “Yes ! We can End TB!” भन्ने मूलनाराका साथ पालुङटार नगरपालिकाका प्रमुख प्रशासकीय अधिकृत गौतम भण्डारीको अध्यक्षतामा भएको कार्यक्रममा नगर उप-प्रमुख बन्दना पाण्डेको प्रमुख आतिथ्यमा सम्पन्न भएको हो । कार्यक्रममा बोल्दै प्रमुख अथिति नगर उप-प्रमुख पाण्डेले वडा तथा नगरपालिकाको नजर नपुगेका बस्ति सम्म पुगेर खोजि गर्न तथा चेतनाको कमि, पिछडीएको बस्तिहरुमा अझै पनि क्षयरोगी हुन सक्ने भन्दै सम्पूर्ण team ले खोजि कार्य गरि आउँदा वर्षहरुमा यस पलिकालाई क्षयरोग मुक्त पार्न सबै जना एकजुट हुनु पर्ने बताउनु भयो ।
त्यसै गरि कार्यक्रमको समापन गर्दै कार्यक्रमका अध्यक्ष प्रमुख प्रशासकीय अधिकृत भण्डारीले पनि खोजि कार्यलाई तिब्रता दिने तथा पत्ता लागेका रोगीहरुलाई समयमै उपचारको दायरामा ल्याई रोग सर्न बाट बचाउन सबै जनाको संयुक्त प्रयास आवश्यक रहेको भन्दै कार्यक्रम समापन गर्नु भएको थियो । कार्यक्रममा वडा अध्यक्षका तर्फबाट सामाजिक विकास समितिका अध्यक्ष भेजराज पाण्डेले पनि मन्तव्य राख्नु भएको थियोे ।
उक्त कार्यक्रममा वडाका जनप्रतिनिधिहरु, स्वास्थ्य संस्थाका प्रमुख, विद्यालयका प्र.अ., टोल विकास संस्थाका अध्यक्ष्य, आमा समूहका अध्यक्ष्य, युवा क्लवका प्रतिनिधि , समाजसेवि तथा महिला सामुदायिक स्वास्थ्य स्वंय सेविकाहरुको उपस्थिति रहेको थियो ।
कार्यक्रमको बारे कार्यक्रम संयोजक जनक रावतले विस्तृत जानकारी गराउनु भएको थियो भने कार्यक्रम संचलान स्वास्थ्य शाखाका जनस्वास्थ्य निरीक्षक कृष्ण प्रसाद अधिकारी ज्यूले संचलान गनु भएको थियो ।
कार्यक्रममा सन् २०१८/१९ मा सम्पन्न राष्ट्रिय क्षयरोग प्रिभ्यालेन्स सर्वेको नतिजा अनुसार ६९,००० नयाँ क्षयरोग बिरामीहरु रहेको अनुमान गरिएकोमा आ.व. २०७८/७९ मा ३७,४४७ (३५% महिला र ६५% पुरुष) जना बिरामीहरुको रोग पत्ता लागि उपचारमा भर्ना भएका थिए भने बाँकी बिरामीहरुको रोग पत्ता लगाउनु र पत्ता लागिसकेकालाई उपचारको दायरामा ल्याउनु राष्ट्रिय क्षयरोग कार्यक्रमका लागि एक चुनौती रहेको छ। विश्व स्वास्थ्य संगठनका अनुसार नेपाल औषधि प्रतिरोधी क्षयरोगको उच्च भार भएका ३० देशहरुमध्येमा पर्दछ । राष्ट्रिय र विश्वव्यापी प्रतिबद्धता अनुरुप नेपालले क्षयरोग बिरुद्धको लडाईलाई साकार पार्नका निम्ति सन् २०२१/२२ देखि २०२५/२६सम्मको बृहत राष्ट्रिय रणनीतिक योजना तयार गरेको छ।यो महत्वाकांक्षी योजननाले सन् २०५० सम्ममा क्षयरोग मुक्त नेपाल बनाउन एक नविनतम कार्यको रुपमा क्षयरोग मुक्त नेपाल अभियानको सुरुवात गरिएको । आ.व. २०७८/७९ मा २५ वटा स्थानीय तहहरुबाट “क्षयरोग मुक्त नेपाल” अभियान सुरुवात गरी आ.व. २०८०/८१ मा थप १०० वटा स्थानीय तहहरुमा यस अभियानलाई विस्तार गिएको छ । गोरखा जिल्लाका दुई नगर पालिकामा (गोरखा न.पा. र पालुङटार ) सोहि वर्ष यो अभियानमा सामवेश भएका छन् ।
आ.व. २०८०/०८१ मा यस नगरपालिकामा जम्मा १७ जना क्षयरोगका बिरामीहरु दर्ता भई विभिन्न स्वास्थ्य संस्थाहरुमा उपचार लिरहेका छन् । जस मध्ये १३ जना पुरुष र ४ जना महिला रहेका छन् । दर्ता भएका मध्ये ७०% बिरामीहरु फोक्सोको क्षयरोगीहरु रहेका छन् जसले रोग फैलाउने सम्भावना एकदम धेरै रहेको जनाईएको छ ।
