माघ २८, गोरखा । डिप्रोक्स लघुवित्त वित्तीय संस्था लिमिटेड ठाँटीपोखरी शाखाले एक दिवसीय केन्द्र प्रमुख गोष्ठी तथा तरकारी खेती तालिम कार्यक्रम सम्पन्न गरेको छ । पालुङटार नगरपालिका वडा नं ५ का वडा अध्यक्ष दिपक पाण्डेको प्रमुख आतित्यथतामा एक दिवसीय केन्द्र प्रमुख गोष्ठी तथा तरकारी खेती तालिम कार्यक्रम सम्पन्न गरेको हो ।
कार्यक्रममा संस्थाको गण्डकी प्रदेश कार्यालयका प्रमुख जमिरि राय यादव, अनुगमन अधिकृत मधुराम खत्री पालुङटार नगरपालिका वडा नं ५ की वडा सदस्य सिता सेञ्चुरी, लगायतको विशेष अतिथ्यता रहेको थियो ।
शाखा कार्यालय ठाँटीपोखरीकी शाखा प्रबन्धक सुमित्रा गुरुङको अध्यक्षतामा सम्पन्न भएको कार्यक्रमको सञ्चालन संस्थाका कर्मचारी शिवराज अधिकारीले गर्नुभएको थियो । उक्त गोष्ठी कार्यक्रममा करिब १ सय १० जनाको उपस्थिति रहेको थियो । उक्त कार्यक्रममा वित्तीय साक्षरता तथा वित्तिय जानकारी प्रदान गराइएको थियो ।
संस्थाले पछिल्लो समय आफ्ना ग्राहकहरुको आवश्यकतालाई मध्यनजर गर्दै देशभरका विभिन्न ठाउँहरुमा साक्षरता कार्यक्रम गर्दै आइरहेको छ । शाखाको शाखा प्रबन्धक सुमित्रा गुरुङले बचत ,कर्जा प्रवाह, ब्याजदर, तथा संस्थाको सेवा सुविधाको बारेमा स्वागत मन्तव्य व्यक्त गर्नुभएको थियो ।
कार्यक्रमा कर्जा सदुपयोगिता तथा आगामी दिनमा साना तथा मझौला ब्यवसायमा अवलम्बन गर्न लघु कर्जा कसरी सदुपयोग गर्ने, बचतको बानी विकास, महिला कसरी सशक्तीकरण हुने, रास्ट्र बैकले निर्धारण गरेको नीति तथा कार्यक्रमलाई कसरी ब्यबहारिक बनाउने, सदस्यहरुको हाल देखिएका समस्याहरु साथै सदस्यहरुको गुनासो जस्ता बिषयमा पहिलो दिन छलफल भएको थियो भने दास्रो दिन कृषि शाखाका शाखा प्रमुख शर्मिला ढकाल तथा प्रविधिक पुष्पा कार्कीले तरकारी खेती सम्बन्धित आफ्ना शेषनहरु प्रस्तुत गर्नु भएको थियो ।
