[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]

दोर्दी गाउँपालिका अध्यक्ष युवराज अधिकारीले खेलकुदको माध्यमबाट पालिकाका गाउँगाउँको विकास गर्न सकिने बताउनु भएको छ । नवज्योति युवा क्लबद्धारा दोर्दी गाउँपालिका वडा नं. ९, हिलेटक्सार माझगाउँमा सोमबारदेखि सचालित नवज्योति कप खुल्ला पुरुष फुटबल प्रतियोगिताको उद्घाटन गर्नुहुँदै उहाँले यस्तो बताउनु भएको हो ।

उहाँले भन्नुभयो, खेलकुदको माध्यमले गाउँठाउँको प्रचार–प्रसारमा सहयोग पुग्ने र यसको माध्यमबाट गाउँगाउँमा पर्यटन प्रवद्र्धन समेत हुनेछ । खेलकुद स्वास्थ्यका लागि समेत महत्वपूर्ण र खेलाडीलाई अनुशासित बनाउने उहाँको भनाई छ । गाउँगाउँमा हुने यस्ता खेलकुदले गाउँगाउँमा लुकेर रहेका दक्षा खेलाडीको पहिचान गर्न मतदन समेत पुग्नेछ । पालिकाले समेत युवा र खेलकुद क्षेत्रलाई मध्यनजर राखेर अघि बढ्ने गाउँपालिका अध्यक्ष अधिकारीले बताउनुभयो ।

कार्यक्रममा वडाअध्यक्ष आशिष तामाङ, कार्यपालिका सदस्य लिलाबहादुर सुनार, तमू ह्यूला छोंज धीं गुरुङ राष्ट्रिय परिषद्का केन्द्रीय सदस्य धनबहादुर गुरुङ लगायतले मन्तव्य राख्नुभएको थियो । क्लबका अध्यक्ष जगतबहादुर गुरुङका अनुसार प्रथम हुने टिमलाई नगद १ लाख रुपैयाँ, कप, मेडल र प्रमाणपत्र र दोस्रो हुने टिमलाई नगद ५० हजार रुपैयाँ, मेडलm ट्रफि, र प्रमाणपत्र वितरण गरिने भएको छ । त्यस्तै, सेमीफाइनल प्रवेश गर्ने २ टिमलाई नगद १५÷१५ हजार रुपैयाँ दिने भएको छ । त्यस्तै, उत्कृष्ट खेलाडी र सर्वाधिक गोलकर्तालाई नगद ३÷३ हजार रुपैयाँ वितरण गर्ने आयोजकले जनाएको छ ।