पालुङटार नगरपालिकामा संञ्चालन भएको तीन दिने आयुर्वेद सम्बन्धि सचेतना कार्यक्रम आज सम्पन्न भएको छ । पालुङटार नगरपालिकाको आर्थिक सहयोगमा पालुङटार आयुर्वेदिक अौषधालयको सहजिकरणमा कार्यक्रम सम्पन्न भएको हो ।
पुस १८ देखि संञ्चालन भएको उक्त कार्यक्रममा पहिलो दिन नगरपालिका भित्रका महिला स्वास्थ्य स्वयंसेवककाहरुलाई आयुर्वेद सम्बन्धि सचेतना गराईएको थियो । नगरपालिकाको सभाहलमा भएको उक्त कार्यक्रम निकै प्रभावकारी भएको सहभागीले बताएका थिए । भने दोस्रो दिन पुस १९ गते पालुङटार नगरपालिका वडा नम्बर ०४को सभाहलमा भएको कार्यक्रममा पालुङटार नगरपालिका भित्रका जेष्ठ नागरिक र माध्यमिक तहका स्वास्थ्य शारीरिक शिक्षा अध्यापन गराउने शिक्षकहरुलाई सचेतना गरिएको पालुङटार आयुर्वेद अौषधालयका कविराज बसन्त घिमिले जानकारी दिनु भयो ।
त्यस्तै आज पुस २० गते अन्तिम दिन पालुङटार नगरपालिका वडा नम्बर ०४को सभाहलमा भएको सचेतना कार्यक्रममा पालुङटार भित्रका स्वास्थ्य संस्थाका प्रमुख तथा आयुर्वेद व्यवस्थापन समिका सदस्यहरुलाई सचेतना गराईएको कविराज घिमिरेले बताउनु भयो ।
उक्त कार्यक्रममा प्रशिक्षकको रुपमा आयुर्वेद क्याम्पसका उप प्रध्यापक डाक्टर निर्मल भुषाल, जिल्ला आयुर्वेद स्वास्थ्य केन्द्र गोरखाका प्रमुख डाक्टर प्रशान्त पण्डित र योग प्रशिक्षकको रुपमा जानकी भट्टराई रहनु भएको थियोे ।
त्यस्तै समापन कार्यक्रममा पालुङटार नगरपालिका आयुर्वेद शाखाका प्रमुख बरिस्ठ कविराज निरिक्षक हितकाजी श्रेष्ठले सहभागी हरुलाई धन्यवाद ज्ञापन गर्दै यश कार्यक्रमले उर्जा थपेकाले आगामि दिनमा पनि यस्ता कार्यक्रमहरु गर्ने बताउनु भयो । त्यस्तै उहाँले प्रशिक्षकहरुको सहज र सरल प्रशिक्षणको पनि उच्च प्रशंसा गर्नु भएको थियो र आगामी दिनमा पनि उहाँहरु सहयोगको अपेक्षा राखेको बताउनु भयो ।
