कार्तिक २२, ठाँटिपोखरी, गोरखा । पालुङटार नगरपालिकाको आज तोकिएको कार्यपालिकाको बैठक काँग्रेस सम्वद्द कार्यपालिका सदस्यहरुले बहिस्कार गरेका छन् । नगरपालिकाको कार्य सम्पादनमा विमति राख्दै कार्यपालिका बैठक बहिष्कार गरिएको नेपाली काँग्रेस पालुङटार नगरकार्यपालिकाका संसदीय दलका नेता तथा पालुङटार नगरपालिका वडा नम्बर ९का वडा अध्यक्ष भेजराज पाण्डेले जानकारी दिनु भयो ।
वडा अध्यक्ष पाण्डेका अनुसार नगर प्रमुखले मनलाग्दी ढंगले काम गरेकाले आँफुहरुले बहिष्कार गर्नु परेको बताउनु भयो । विना जानकारी विद्यालय मर्ज गर्ने, मर्ज नै गर्नु पर्ने तर आफुलाइ मन परेका विद्यालयलाई मर्ज नगरि आफुला मन नपरेका आधारमा मर्ज गर्ने । लामो समय काम गर्दै आएका कर्मचारीहरुलाइ आस्थाका आधारमा हटाउने र राख्ने काम गरेको तथा योजनाहरु पनि आस्थाका आधारमा ठाउँ हेरेर राख्ने हटाउने गरेको वडा अध्यक्ष पाण्डेले आरोप लगाउनु भयो ।
नेपाली काँग्रेस निति र लोकतान्त्रिक पद्धतिमा हिड्ने पार्टी भएको भन्दै उहाँले निति र लोकतान्त्रिक पद्धति भन्दा बाहिर नगरपालिकाले कार्य गरेकाले आफ्ना मागहरु सम्बोधन भए सहकार्य गर्न सकिने भन्दै यसरी नै नगर प्रमुख अघि बढे सहकार्य हुन नस्कने पनि बताउनु भयो । यदि बेवास्ता गरि अगाडि बढे आफुहरु कानुनि उपचारको बाटो रोज्न बाध्य हुने उहाँको भनाई छ ।
