पालुङटार, गोरखा । बजार अनुगमन नियमावली २०७६ मा व्यवस्था भए अनुसारको बजार अनुगमन टोलीले गोरखाको पालुङटारमा १५ वटा पसलमा आज मंगलबार अनुगमन गरेको हो ।

घरेलुु तथा साना उद्योग कार्यालय गोरखाका प्रमुख सुर्य भुजेलको नेतृत्व र जिल्ला प्रशासन कार्यालयका साहायक प्रमुख जिल्ला अधिकारी कमलराज भण्डारीको अगुवाइमा पालुङटार नगरपालिका, उद्योग वाणिज्य संघ पालुङटार ईकाई, ईलाका प्रहरी कार्यालय ठाँटिपोखरी, नेपाल पत्रकार महासंघ गोरखा शाखा र पालुङटार पशु शाखा कार्यालयको उपस्थितिमा बजार अनुगमन गरिएको हो । पालुङटारमा भएका खाधान्य, किराना, फलफुल र होटल गरि १५ वटा पसलमा अनुगमन गर्दा म्याद गुज्रिएको भेट्टाईएका खाधान्य तथा पेय पदार्थहरु नष्ट गरिएको थियोे ।

चाडवाडको समयमा हुने खाध्य पदार्थमा मिसावट तथा हुने काला बजारीलाई नियन्त्रण गर्न बजार अनुगमन गरिएको घरेलु तथा साना उद्योग कार्यालय गोरखाका प्रमुख सुर्य भुजेलले बताउनु भयो ।

बजार अनुगमनका क्रममा मूल्य सूची भएको, नभएको, टोलीबाट दिइएको निर्देशन पालना गरेको नगरेको, साइन बोर्ड भएको, नभएको, व्यवसाय दर्ता र नवीकरण गरे नगरेको, नापतौलको प्रमाण भए नभएको, लेवलमा खुलाउनुपर्ने कुराहरु स्पष्ट उल्लेख भए/नभएको, म्याद नाघेको सामाग्री राखेको नराखेको, स्थायी लेखा प्यान नम्बर भ्याटमा दर्ता भए नभएको, विकी बिल दिने प्रक्रिया भए नभएको, खाद्य अनुज्ञा पत्र (खाद्य उद्योगको लागि) मासुको गुणस्तर सन्तोष जनक भए नभएको, मिठाईको गुणस्तर लायतका पक्षहरु सन्तोषजनक भए नभएको, ग्यासको तौल, मुल्य लगायतका विषयका पक्षहरु खेले नखुलेको, सन्तोषजनक खरिद विल भए नभएको, यस अगाडिको निर्देशनमापालना गरे नगरेको आदि बिषयमा अनुगमन गरिएको थियोे ।

अनुगमनका क्रममा व्यवसायीहरुले आफुहरुले धेरै ठाउँमा दर्ता गर्नु पर्दा दुख पाएको, घर भाडा तथा मुल्य शुचि निर्घारणका बिषयमा सम्बन्धित निकाएले ध्यान नदिएका लगाएतका गुनासो राखेका थिए ।