कात्तिक ०४ गोरखा : गण्डकी प्रदेश सरकारका माननिय स्वास्थ्य मन्त्रि कृष्णप्रसाद पाठकले पालुङटार नगरपालिका वडा नम्बर ३ स्थित आँपपिपल अस्पतालको निरिक्षण गर्नु भएको छ । कात्तिक ४ गते आइतबार मन्त्रि सहित गण्डकी प्रदेश स्वास्थ्य निर्देशनालय पोखराका महानिर्देशक खिम बहादुर खड्का, पालुङटार नगरपालिकाका नगर प्रमुख विवस चिन्तन लगायतको टोलिले अस्पतालको निरिक्षण गर्नु भएको ।
२०१६ सालमा स्थापना भएको आँपपिपल अस्पताल गण्डकी प्रदेशको प्रदेश स्तरिय अस्पताल बनाउने गरि कुरा अगाडी बढिरहेको बेला स्वास्थ्य मन्त्रि पाठकको निरिक्षणलाई महत्वका साथ हेरिएको छ । मन्त्रि पाठकले आँपपिपल अस्पतालको भौतिक संरचना, अस्पतालका सेवा सुविधाका बारेमा स्थलगत निरिक्षण गर्नु भएको थियो । के अँपपिपल अस्पताल छिट्टै प्रदेश अन्तर्गतको हुन्छ त भन्ने प्रश्नमा मन्त्रि पाठकले अस्पताल प्रदेश अन्तर्गतको त बनेको तर केहि कानुनी अफ्टेराका कारण जटिलता थपिएको उहाँले बताउनु भयो । प्रदेश अन्तर्गतको अस्पताल बनाउने बिषयमा सबै एक मत भएको भए पनि साधन स्रोत के कसरी पुर्याउने कसरी राम्रो अस्पताल बनाउने भन्ने बिषयमा लागेको बताउनु भयो । संघ सरकारका केहि मापदण्ड पुरा गर्न जटिलता भएकाले संघ सरकार र स्थानिय सरकार सँगको सहकार्यमा प्रदेश अगाडी बढ्ने पनि बताउनु भयो । कर्मचारी व्यवस्थापन के कसरी गर्ने भन्ने पनि समस्या रहेकाले थुप्रै जटिलताको समाधान गर्नु पर्ने पनि मन्त्रि पाठकले बताउनु भयो ।
निरिक्षणका क्रममा पालुङटार नगरपालिकाका नगर प्रमुख चिन्तनले आँपपिपल अस्पताललाई प्रदेश अन्तर्गतको अस्पताल बनाउने कार्य फास्ट ट्रयाकमा काम गर्न आग्रह गर्नु भयो । उहाँले आँपपिपल अस्पतालमा दैनिक १०० देखी १५० जना बिरामीले सेवा लिने गरेको बताउँदै सेवा सुविधा थपिएमा अझै बिरामी थपिने विश्वास व्यक्त गर्नु भयो । प्रदेश अन्तर्गत जाने भनिए पनि संघ सरकारले अस्पतालका २८ जना कर्मचारीको तलब पालिकामा नै पठाएकाले आँफुहरुले प्रदेशको बाटो पठाउन बारम्बार आग्रह गरेको र चिठि पनि पठाएको बताउनु भयो ।
निरिक्षणका क्रममा अस्पताल प्रशासनले अस्पतालमा आउने बिरामी ८० देखी ८५ प्रतिशत बिरामी बिमाका आउने बताएको छ । बिमाका बिरामीको सरबरमा इन्ट्रि रियल टाइममा गर्नु पर्ने भएकाले नेटका कारण सरबरमा रियल टाइममा इन्ट्रि गर्न समस्या परेको बताएको छ । जसका कारण अस्पताललाई समस्या परेको बताएको छ । हाल आँपपिपल अस्पतालमा ६४ जना कर्मचारी कार्यरत छन् । जसमा आँपपिपल अस्पतालमा अस्पताल समितिका तर्फबाट ४८ जना कर्मचारी कार्यरत छन् ।
अस्पतालमा एकै दिन २८८ जना सम्म बिरामीले सेवा लिएको रेकर्ड रहेको छ ।
