नेकपा एमाले केन्द्रीय सदस्य एवम् गण्डकी प्रदेशका इन्चार्ज रामशरण बस्नेतले निति, विचार र सिद्धान्त नमान्नेले पार्टी छाडेको बताएका छन् । आज नेकपा एमाले पालुङटार नगर कमिटी गोरखाको आयोजनामा भएको बृहत कार्यकर्ता भेला तथा अभिमुखीकरण कार्यक्रममा बोल्दै बस्नेतले यस्तो बताएका हुन । उनले पार्टी छाडनु भनेको राजनितीबाट सन्यास लिए सरह भएको पनि बताएका छन् । यहि प्रवृत्तिले जाने हो भने नेपाललाई उनकै पार्टी भित्रका कार्यक्रताहरुले पनि नमान्ने अवस्था आउने छ भन्दै पार्टीमा निति, विचार र सिद्धान्त हुन्छ, आँफुलाई पद चाहियो भन्दैमा कसैले दिन नसक्ने भन्दै नेकपा एमाले लोभि र पद चाहिनेहरुको पार्टी नभएको पनि प्रष्ट पारे । लोभी प्रवृत्ति र पदका लागि माधव नेपाल लगाएत अन्यले पार्टी छोडेको भन्दै उनले उनिहरुको आफ्नो अस्तित्व नै मेटिने बताएका छन् ।
आफ्नो पार्टीको अस्तित्व जोगाउन धौ धौ परेका बाबुराम भट्टराईले नेकपा एमालेको बारेमा बोल्नु हास्यास्पद भएको भन्दै नेता बस्नेतले भट्टराई हिजो आँखा लिएर चुनावमा आउनु भयो, अहिले छाता टेकेर आउनु भएको छ यस्तै हुँदै जाने हो भने भोलीका दिनमा भट्टराई र भट्टराईको पार्टी नै सकिने पनि बताएका छन् ।
कार्यक्रमले नेकपा एमालेको भातृ संगठन राष्ट्रिय युवा संघ नेपाल पालुङटारको नगर कमिटीको अध्यक्षमा संजय देवकोटालाई चयन गरेको छ । सोहि कार्यक्रमबाट देवकोटाको अध्यक्षतामा १७ सदस्यीय कमिटी गठन गरिएको हो ।
कमिटीको उपाध्यक्षमा सम्झना लामा, सचिवमा महादेब पन्त, सहसचिवमा विपिन केसी र कोषाध्यक्षमा सुजन पाठन चयन भएका छन् ।
यस्तै सदस्यहरुमा बेन्जन पाठन, सुर्य नारायण तामाङ, विकास जिरी, राज कुमार थापा, दिपक अधिकारी, सन्तोष विक, मनिश देवकोटा, कृष्ण गिरी, राजेन्द्र गिरी, मनोज सुवेदी, दिपक नेपाली र भगेन्द्र कुमाल चयन भएका छन् ।
कार्यक्रमले अखिल नेपाल महिला संघ नगरकमिटी पनि चएन गरेको छ, जसको संयोजकमा इन्दिरा देवकोटा र सहसंयोजकमा राममाया राना रहेका छन् ।
कार्यक्रममा प्रदेश सदस्य हरी काफ्ले, प्रदेश सदस्य हरी भट्ट, गण्डकी प्रदेश सम्वनय परिषद सदस्य कमल दानी लागएत नेताहरुले आफ्नो प्रस्तुती राखेका थिए । कार्यक्रमको स्वागत मन्तव्य जिल्ला कमिटी सदस्य शुशिला न्यौपानेले राखेकी थिइन भने कनर्यक्रमको अध्यक्षता पालुङटार नगर कमिटीका अध्यक्ष तथा पालुङटार नगरपालिका वडा नम्बर ७ का वडा अध्यक्ष बसन्त श्रेष्ठले गरेकन थिए । कार्यक्रम संचालन नेकपा एकाले पालुङटार नगरकमिटीका सचिव प्रकाश न्यौपानेले गरेका थिए ।